विराटनगर । मोरङको विराटनगर महानगरपालिका –३ मा स्थित मोडर्न एरा इंग्लिस स्कलले ‘मोर्डन एरा लिटिल च्याम्स सिजन ३’ को छनोट चरण कार्यक्रम आयोजना गरेको छ ।
शुक्रबारर छनोट चरणको कार्यक्रमको उदघाटन विराटनगर प्याब्सनका अध्यक्ष मोहन बुढाथोकीले गरे ।
विद्यार्थीमा भएको प्रतिभा प्रस्फुटन गर्ने उद्देश्यले तेस्रो सिजनको लिटिल च्याम्सको आयोजना गरिएको हो ।
लिटिल च्याम्समा गायन, नृत्य र मोडलिङका प्रतियोगिता समावेश गरिएको स्कुलका प्रिन्सिपल इन्द्र राईले जानकारी दिए ।
प्रतियोगितामा खुई चरणको हुने प्रिन्सिपल राईले बताए ।
पहिलो चरणमा नर्सरीदेखि कक्षा ५ र दोस्रो चरणमा कक्षा ६ देखि कक्षा १० सम्म हुने स्कुलले जनाएको छ ।
प्रतियोगितामा करिब ५ सयभन्दा बढी विद्यार्थी सहभागी रहने स्कुलले जनाएको छ ।
प्रत्येक विधाबाट टप १० मा पुग्ने विद्यार्थीले माघ २७ गते हुने फाइनल चरणमा प्रतिस्पर्धा गर्ने प्रिन्सिपल राईले जानकारी दिए ।
टप १५ मा पुगेपछि भोटिङ राउण्ड सुरु हुने राईको भनाइ छ ।
फाइनलको निर्णायकमा विशेष विज्ञहरु ल्याउँने स्कुलले जनाएको छ ।
सोही अवसरमा प्रिन्सिपल राईद्वारा लिखित र स्कुललकै विद्यार्थीहरुले अभिनय गरेको नाटक मंसिरको अन्तिम सातामा विराटनगरको गुरुकुल नाटक घरमा पर्दशन गरिने जानकारीसमेत दिइयो ।