विराटनगर । मोरङको कटहरी गाउँपालिकामा १० मिनेटभित्र दुई भिन्नाभिन्नै दुर्घटना भएको छ ।
बिहीबार राति १० बजेतिर मोटरसाइकल आफैं अनियन्त्रित भएर भएको उक्त दुर्घटनामा दुई जना घाइते भएका छन् ।
हिजो १०:१० बजेतिर कटहरी-२ कदमटोलीमा कटहरी बजारबाट कदमटोली तर्फ जाँदै गरेको को ३८ प ११०९ नम्बरको मोटरसाइकल आफैं अनियन्त्रित भई दुर्घटना भएको थियो ।
जसमा मोटरसाइकल चालक २६ वर्षीय विजय राजवंशी घाइते भएकोमा उपचारको लागि कोशी अस्पताल विराटनगर ल्याइएको छ ।
हिजो १० बजेतिर कटहरी-७ वनस्खण्डी मन्दिरनजिक वनस्खण्डी मन्दिरबाट दक्षिण तकियातर्फ जाँदै गरेको ना४०प ३२९० नम्बरको मोटरसाइकल आफैं अनियन्त्रीत भई दुर्घटना भएको थियो ।
जसमा मोटरसाइकल चालक ग्रामथान-४ का ४० वर्षीय एकराम चौधरी घाइते भएकोमा उपचारको लागि नोबेल अस्पताल विराटनगर ल्याइएको छ ।
सवारी चालक अनुमतिपत्र साथमा नभएका उनले लारपवाही गरेर सवारी चलाएका थिए ।
