विराटनगर । सुनसरीको भोक्राहा नरसिंह गाउँपालिकामा पोखरीमा डुबेर एक जनाको मृत्यु भएको छ । मृत्यु हुनेमा भोक्राहा नरसिंह-८ का ५० वर्षीय मुस्तुफ अन्सारी रहेको सुनसरी प्रहरीले जनाएको छ ।
जुट धुन पोखरीमा पसेको बेला डुबेर उनको मृत्यु भएको जिल्ला प्रहरी कार्यालय सुनसरीले जनाएको छ । स्थानीय पत्यक्षदर्शी तजमुल हुसेनका अनुसार उनी जुट धुन पोखरीमा पसेका थिए ।
पोखरीमा पसेको र ननिस्केपछि खोजी गर्दा अन्सारी जुटसँगैं पानीमा मृत फेला परेका हुन् । मृतकको शव पोष्टमार्टमका लागि सुनसरी जिल्ला अस्पातल इनरुवामा राखिएको छ ।
