झापा । झापामा सोमबार साँझ भएको मोटरसाइकल दुर्घटनामा एक जनाको घटनास्थलमै मृत्यु भएको छ भने अर्का एक जना घाइते भएका छन् ।
कमल गाउँपालिका-५ मंगलबारेमा हिजो साँझ ७:३० बजेतिर मे ८प ७१८६ नम्बरको मोटरसाइकल दुर्घटनामा परेको थियो ।
पाडाजुगी गौरीगंज भित्री पक्की सडकखण्डमा गौरादहबाट दमकतर्फ आँउदै गरेको मोटरसाइकल सडक छेउको डिभाइडर पोलमा ठोक्किएको थियो ।
दुर्घटनामा मोटरसाइकलमा पछाडि सवार दमक नगरपालिका वडा न. ७ बस्ने ३१ वर्षीय राजन लिम्बुको मृत्यु भएको हो ।
टाउको चोट लागेर गम्भीर घाइते बनेका उनलाई उपचारको लागि दमकस्थित लाइफलाइन अस्पताल पुर्याइएको थियो ।
उपचारका क्रममा उनलाई ७:५५ बजेतिर दमक लाइफलाइन अस्पतालका डाक्टरले मृत घोषणा गरेका थिए ।
मोटरसाइकल चालक गौरादह नगरपालिका वडा न. ७ बस्ने २६ वर्षीय पारस राजवंशीको भने नाक, गालामा चोट लागेको थियो ।
उनको उपचार भइरहेको प्रहरीले जनाएको छ । तीव्र गतिमा मोटरसाइकल कुदाउँदा दुर्घटना भएको प्रहरीले जनाएको छ ।
