विराटनगर । झापाबाट ग्यास लिएर ताप्लेजुङतर्फ जाँदै गरेको ट्रक मेची राजमार्गमा पहिरोले पुरिएको छ ।
आज बिहान १०ः३० बजे अविरल बर्षा कारण ताप्लेजुङ फुङलिङ-८ स्थित मेची राजमार्गमा बैशाखे खोल्सामा आएको लेदोसहितको पहिरोले ट्रक पुरेको हो ।
झापाबाट ग्यास लिएर ताप्लेजुङतर्फ जाँदै गरेको प्र. १–०१–००१ ख ३६१७ नम्बरको मिनि ट्रक पुरिएको हो । ट्रक चालक भने सकुशल रहेका छन् ।
सडक डिभिजनका कार्यालयबाट एक्जाभेटर ल्याई प्रहरी र स्थानीयको सहयोगमा ट्रकलाई सुरक्षित स्थानमा निकालिएको छ ।
अवरुद्ध भएको सडक बिहान ११ः २५ बजे पूर्ण रूपमा सुरु भएको प्रहरीले जनाएको छ ।
