विराटनगर । सप्तकोशी नदीको कोशी ब्यारेज पुलबाट यात्रुबाहक बस नदीमा खसेको छ ।
सुनसरीका सहायक प्रमुख जिल्ला अधिकारी बेदराज फुयालले केही बेरअघि कोशी ब्यारेजको पुलबाट बस खसेको जानकारी आएको बताएका छन् ।
साँझ ६ः०५ बजेतिर बस खसेको अनुमान गरिएको बताउँदै उनले आफू बाहिर रहेका कारण घटनाको थप विवरण प्राप्त गर्न नसकेको बताए ।
प्रत्यक्षदर्शीले विराटनगरबाट यात्रु लिएर उदयपुरको गाईघाटतर्फ जाँदै गरेको बस नदीमा खसेको अनुमान गरेका छन् ।
घटनामा ठूलो क्षति भएको हुनसक्ने आशंका छ ।
