काठमाडौं । प्रधानमन्त्री केपी शर्मा ओली र भारतीय समकक्ष नरेन्द्र मोदीबीच आइतबार भेटवार्ता हुँदै छ ।
संयुक्त राष्ट्रसंघको ७९औँ महासभा भाग लिन न्यूयोर्क पुगेका अवसरमा दुई देशका प्रधानमन्त्रीबीच भेटवार्ता हुन लागेको हो ।
प्रधानमन्त्री हुनेवित्तिकै भारतले औपचारिक भ्रमणका लागि आमन्त्रण गरे पनि यसपटक ओलीले भारतले भ्रमणका लागि निम्तो दिएको अहिलेसम्म सर्वाजनिक नभएको अवस्थामा न्यूयोर्कमै भेट्ने नेपालको प्रयासले सार्थकता पाउने भएको हो ।
सुरुमा ओलीसँग भेट्न मोदीले आनाकानी गरे पनि अन्तिम समयमा नेपालको प्रस्ताव भारतले स्वीकार गरेको हो ।
परराष्ट्र मन्त्रालय स्रोतका अनुसार भेटको समय तय भएसँगै दुवै पक्षले तयारी तीव्र पारेका छन् ।
