छक्कापञ्जा-५ को ‘ब्रेकअप’ गीतलाई गाली र ताली उत्तिकै !

विराटनगर । दीपाश्री निरौला निर्देशित फिल्म ‘छक्कापञ्जा ५’ को दोस्रो गीतलाई लिएर अहिले माहोल ‘गरागरम’ भएको छ ।

बुधबार युट्युबमा ‘ब्रेकअप सङ’ नाम दिइएको उक्त गीत सार्वजनिक भएको थियो ।

Advertisement

गीतमा फिल्मका मुख्य कलाकार दीपकराज गिरी, दीपाश्री निरौला, केदार घिमिरे, वर्षा सिवाकोटी, मेक्सम गौडेललगायतको अभिनय छ ।

बाबुल गिरीको शब्द, संगीत, एरेन्ज र स्वर रहेको गीतमा सुरवीर पण्डित र रामेश्वर केसी पनि गीतमा देखिएका छन् ।

गीतले चरित्र चित्रणदेखि पात्रको गेटअप, मुडसमेत दर्साउन खोजेको छ । दीपक र माग्ने बूढाले ब्रेकअप अंकित सुट लगाएका छन् । गीतले ब्रेकअपपछि प्रेमीले प्रेमिकाप्रति पोखेको आक्रोश दर्साउँछ ।

जसलाई लिएर धेरैले गाली र ताली दुवैथरिका प्रतिक्रिया दिएका छन् । केहीले औधी रुचाउँदै उक्त गीतमा टिकटक बनाएका छन् भने केहीले कडा आलोचना गरेका छन् ।

विराटनगर घर भएकी साहित्यकार सीमा आभास यसो लेख्छिन्, :

‘छक्कापञ्जा ५’ दसैँको फूलपातीको दिन असोज २४ गतेदेखि प्रदर्शन हुदैछ । यो वर्षको प्रतीक्षित सुचीमा रहेको यो फिल्म दर्शकले रुचाउने अपेक्षा गरिएको छ ।