विराटनगर । कोशी सुधार अभियानका संयोजक तथा युवा नेता अभिषेक गिरीलाई सम्मान गरिएको छ । बुधबार सुनसरीको देवानगन्ज गाउँपालिका- ६ ठाकुरवारी चोकमा अनन्त चतुर्थीको दिन लाग्ने मेलामा गिरी सम्मानित भएका हुन् ।
करिब एक सय वर्ष पुरानो इतिहास बोकेको मेलाको आयोजक समितिले गिरी फाउन्डेसनका अध्यक्ष तथा कोशी सुधार अभियानका संयोजक गिरीलाई सम्मान गरेको हो ।
आयोजको तर्फबाट सम्मान कार्यक्रमको प्रमुख अतिथिसमेत रहेकी देवानगन्ज गाउँपालिका उपाध्यक्ष कुमारी विभा यादवले दोसल्ला ओडाएर सम्मान गरिन् । गिरीले गरिरहेको काम सम्मानजनक रहेको भन्दै उपाध्यक्ष यादवले खुलेर प्रसंशा गरिन् ।
यस मेलामा दुर्गा चलित्र नाट्यको पनि प्रस्तुति रहने आयोजक कमिटीका सचिव शिवशंकर मण्डलले बताए । अनन्त चतर्दुशी मेला कमिटीका सल्लाहकार अमरेश मेहताले यो मेला सुनसरी जिल्लाको पुरानो मेला रहेको बताए ।
युवा नेता तथा समाजसेवी महान्द यादवले सदियौंदेखि लगाउँदै आएको मेला अबचाहिँ युवाहरूको काँधमा आएको बताउँदै यसलाई जोगाउन सबैको कर्तव्य रहेको सुनाए ।
कार्यक्रममा समाजसेवी किसुनदेव मेहता, गोविन्द मण्डल, रामप्रसाद यादव, महानन्द यादव, राजु मेहता, सन्तोष मण्डल प्रहरी निरीक्षक कमल विष्ट, वडा अध्यक्ष हरिनन्दन मेहतालगायतको उपस्थिति थियो ।
