विराटनगर । कोशी प्रदेश सरकारका मुख्यमन्त्री हिक्मतकुमार कार्कीलेले विश्वासको मत प्राप्त गरेका छन् ।
बुधबार कोशी प्रदेशसभामार्फत विश्वासको मत लिएका मुख्यमन्त्रीले दुई तिहाई मतसहित विश्वासको मत प्राप्त गरेका हुन् ।
मत विभाजनको प्रक्रियामार्फत भएको मतदानमा पक्षमा ६६ मत प्राप्त भएको छ भने विपक्षमा १५ मत प्राप्त भएको छ ।
त्यस्तै, नेकपा एकीकृत समाजवादीका दुई जनाले मतदान गरेनन् । आजको सभामा प्रदेशसभाका सदस्य ८३ उपस्थिति रहेका थिए ।
यसअघि मुख्यमन्त्री कार्कीले बैशाख ३१ गते विश्वासको मत लिएका थिए ।
गत भदौ १४ गते नेकपा माओवादी केन्द्रले समर्थन फिर्ता लिएपछि आज पुन: विश्वासको मत लिनुपरेको हो ।
कोसी प्रदेशमा ९३ प्रदेश सभा सदस्य छन् । नेकपा एमालेका ४० ,नेपाली कांग्रेसका २९, नेकपा माओवादी केन्द्रका १३ ,राप्रपाका ६ नेकपा एकीकृत समाजवादीका ४ र जसपाको एक प्रदेश सभा सदस्य छ्न ।
कोशी प्रदेशमा नेकपा एमाले र नेपाली कांग्रेसको सरकार छ भने माओवादी केन्द्र, एकीकृत समाजवादी र जनता समाजवादी पार्टी प्रतिपक्षीमा छन् ।
