विराटनगर । इंग्लिस प्रिमियर लिगमा आर्सनलले टोटनह्याम हटस्परमाथि जित दर्ता गरेको छ । आइतबार साँझ आफ्नो चौथो खेल खेलेको आर्सनलले टोटनह्यामलाई उसैको मैदानमा १-० गोलले हराएको हो ।
टोटनह्याम हटस्पर मैदानमा आर्सनललाई जिताउन ग्राबियल मागलहाइजले निर्णायक गोल गरे । पहिलो हाफ गोलरहित बराबरीमा सकिएको खेलको ६४औं मिनेटमा उनले गरेको गोल नै आर्नसलको जितमा निर्णाायक बनेको हो ।
अवे मैदानमा आर्सनलको यो छैटौं जित हो । यससँगै आर्सनल लिभरपुललाई उछिन्दै दोस्रो स्थानमा उक्लिएको छ । उसले चार खेलमा १० अंक जोडेको छ ।
उसले शीर्ष स्थानमा रहेको म्यानचेस्टर सिटीमाथि दबाब थपेको छ । शीर्ष स्थानमा रहेको सिटीसँग १२ अंक छ भने तेस्रो स्थानको लिभरपुलसँग ९ अंक छ ।
टोटनह्याम भने चार अंकका साथ १३औं स्थानमा छ ।
