विराटनगर । मोरङको विराटनगर महानगरपालिका-४ बरगाछीस्थित हेरिटेज इन्टरनेसनल स्कुलले जुनियर स्विमिङ प्रतियोगिताको आयोजना गरेको छ । हेरिटेज इन्टरनेसनल स्कुलमा अध्ययनरत कक्षा १ देखि ३ सम्मका विद्यार्थीहरूले उक्त प्रतियोगितामा भाग लिएका थिए ।
प्रतियोगिताअन्तर्गत छात्रतर्फको ५० मिटर फ्रिस्टाइलमा प्रथम बनेका कक्षा २ का आरोहण अधिकारीले गोल्ड मेडल जिते भने कक्षा ३ का सार्थक सिग्देल दोस्रो र कक्षा ३ कै दक्षित मुन्द्र तेस्रो बने ।
यस्तै, छात्रतर्फकै ५० मिटर फ्रिस्टाइल खुल्लामा कक्षा २ का आर्जन अधिकारीले स्वर्ण पदक जित्दा कक्षा १ का संस्कृतबिक्रम कार्कीले रजत र कक्षा २ का क्रिशोथ सत्यलले कास्य जिते ।
यसैगरी छात्रातर्फको ५० मिटर फ्रिस्टाइलमा पहिलो बन्दै कक्षा ३ कि प्रियांशी सार्दालले गोल्ड मेडल जित्दा दोस्रो बनेकी कक्षा २ कि पारिजा सुमनले सिल्वर मेडल तथा तेस्रो बनेर कक्षा २ कै सुविग्या पौडेलले ब्रोन्ज मेडल हात पारिन् ।
छात्रातर्फकै ५० मिटर फ्रिस्टाइल खुल्लामा कक्षा ३ कि प्रिशा भट्टराईले स्वर्ण जित्दा कक्षा २ कि विवान्शी मण्डलले रजत र कक्षा ३ कि मानवी रौनियारले कास्य पदक जितिन् ।
विजेता खेलाडीहरूलाई स्कुलका प्रिन्सिपल सुशान्त बानियाँले पदक र प्रमाणपत्रसहित पुरस्कृत गरे । साथै, उनले प्रतियोगितामा सहभागी भएका विद्यार्थीहरूलाई धन्यवाद दिँदै आगामी दिनमा पनि विभिन्न प्रकारका प्रतियोगिता आयोजना गर्ने प्रतिबद्धता जनाए ।
विराटनगरको उत्कृष्ट विद्यालयमध्येको एक हेरिटेजले पठनपाठनका अलाबा विभिन्नखाले अतिरिक्त क्रियाकलापहरू गराइरहेको छ ।
बुधबारमात्र स्कुलले कक्षा ४ देखि ७ सम्मका विद्यार्थीहरूको फ्रिस्टाइल ५० मिटर स्विमिङ प्रतियोगिताको आयोजना गरेको थियो । त्यसअघि हेरिटेजले कक्षा ४ देखि १० कक्षासम्मका विद्यार्थीहरूलाई महिनावारी, महिनावारीको समयमा हुने शारीरिक र भावनात्मक परिवर्तनहरू, महिनावारीको समयमा हुने गलत अभ्यासलगायत विषयमा सचेत गराएको थियो ।
विराटनगर नर्सिङ क्याम्पसकी सहायक प्राध्यापक पुनम मण्डलले सहजकर्ताको भूमिका निभाएकी उक्त कार्यक्रममा महिनावारीका विषयमा विद्यार्थीहरूका लागि सचेतनामुलक ‘सेसन’ चलाइएको थियो ।
