फाइल तस्बिर
विराटनगर । मोरङको विराटनगर महानगरपालिकामा नयाँ सिटी सफारी दुर्घटनामा परेको छ ।
सोमबार बेलुकी ८ बजेतिर विराटनगर-५ कोचाखालमा शान्तिचोकबाट कोचाखालतर्फ जाँदै गरेको अन टेस्टमा रहेको सिटी सफारी दुर्घटनामा परेको थियो ।
आफैं अनियन्त्रित भई दुर्घटना हुँदा सिटीमा सवार विराटनगर-५ बस्ने ३५ वर्षीय अञ्जुदेवी साहको मुख र नाकमा चोट लागेको छ ।
घाइते साहको विराट नर्सिङ होम, विराटनगरमा उपचार भइरहेको प्रहरीले जनाएको छ ।
सिटी सफारी र सिटी चालक विराटनगर-१३ बस्ने ३७ वर्षीय मुकेशकुमार साह वडा प्रहरी कार्यालय विराटनगरको नियन्त्रणमा छन् ।
उनले भर्खरै सिटी सफारी किनेर ल्याएका थिए । सवारी चालक अनुमतिपत्रसमेत प्राप्त गरिसकेका थिएनन् ।
