विराटनगर । विराटनगरमा एक सिटी सफारीबाट ओर्लने क्रममा यात्रु घाइते भएका छन् ।
घाइते हुनेमा विराटनगर महानगरपालिका-२ पूर्व टोल बस्ने नरेश मण्डलको छोरा वर्ष १९ को आर्यान मण्डल रहेका छन् ।
शनिबार दिउँसो १:४५ बजेतिर विराटनगर-३ स्थित पूर्वाञ्चल ल कलेजअगाडि सिटी सफारीबाट ओर्लने क्रममा उनी घाइते भएका थिए ।
तीनपैनीबाट पुष्पलाल चौकतर्फ जाँदै गरेको सिटी सफारीबाट ओर्लने क्रममा घाइते उनको टाउको, घाँटी र दुवै हातमा चोट लागेको छ ।
घाइते मण्डललाई प्रारम्भिक उपचारपछि थप उपचारका लागि बिराट टिचिङ अस्पताल लगिएको छ । उनको अवस्था सामान्य रहेको बताइएको छ ।
उनी लडेर घाइते भएपछि फरार बनेका सिटीसफारी चालकको पहिचान तथा खोजतलास कार्य भइरहेको प्रहरीले जनाएको छ ।
