विराटनगर । लायन्स क्लब अफ विराटनगर एलिटले नि:शुल्क दन्त परीक्षण तथा दन्त स्वास्थ्य सचेतना कार्यक्रम सम्पन्न गरेको छ ।
‘नेपाल लायन्स डे’ को अवसर पारेर शुक्रबार आयोजना गरिएको सो कार्यक्रममा विराटनगर-१० स्थित वोमन्स क्रियसनमा संस्थाको संरक्षणमा रहेका पाँच वर्षदेखि १२ वर्षसम्मका ३५ जना बालबालिकाको दन्त परीक्षणसहित बाल बालिकाले आफ्ना दाँत कसरी स्वस्थ राख्न सक्छन् भन्ने सचेतनासमेत दिइएको छ ।
सेवा प्रदान गरिएका बाल बालबालिका घरेलु कामदार महिलाका छोरा-छोरी हुन् भने वोमन्स क्रियसन मारवाडी समुदायका स्वयमसेवी महिलाहरुको समूह हो । जसले, आफ्नो संरक्षणमा रहेका बाल-बालिकाको शिक्षा, अध्यात्मिक, योग अभ्यास एवं कला संस्कृतिको ज्ञानसमेत प्रदान गर्ने व्यवस्था मिलाएको छ ।
दन्त परीक्षण तथा स्वास्थ्य सचेतना कार्यक्रम प्राविधिक सहयोग विराटनगर ३, पानीटंकीस्थित नौलखा डेन्टल केयर एवम् डा. नुतन नौलखा र डा. रिंकी अग्रवालले गरेका थिए ।
सन् २०१८ मा स्थापना भई सामाजिक सेवामा समर्पित रहेको लायन्स क्लब अफ विराटनगर एलिट विराटनगरका प्रतिष्ठित चिकित्सक, उद्यमी-व्यवसायी, बीमा व्यवसायी र सामाजिक व्यक्तित्वको संलग्नता छ ।
आजको कार्यक्रममा डिसट्रिकट ३२५ –सी का गवर्नर लायन विकास अधिकारीको प्रमुख आथित्य, अन्य लायन प्रतिनिधिहरु, क्लबका सदश्यहरु, वोमन्स क्रियसनका प्रतिनिधिहरु समेतको उपस्थिति रहेको थियो ।
सो अवसरमा डेन्टल केयर र क्लबको तर्फबाट दन्त स्वास्थ्य बारेमा सचेतनाको एवम् १४ जना बालबालिकालाई थप स्वास्थ्य सेवाको सुझावसहित ब्रस र मन्जनसमेत प्रदान गरिएको लायन्स क्लब अफ् विराटनगर एलिटकी प्रेसिडेन्ट लायन शकुन्तला भट्टराईले जानकारी दिइन् ।
