विराटनगर । कोशी प्रदेश सरकारले शुक्रबार प्रदेशभरी सार्वजनिक विदा दिएको छ ।
प्रदेशको आन्तरिक मामिला तथा कानुन मन्त्रालयका अनुसार आदिवासी दिवसको दिन कोशी प्रदेशमा सार्वजनिक बिदा दिइएको हो ।
अन्तर्राष्ट्रिय आदिवासी दिवसलाई उत्सवका रुपमा मनाउन प्रदेशभित्रका सबै सरकारी कार्यालय, स्थानीय तह, सार्वजनिक संस्थान, प्रतिष्ठान र शैक्षिक संस्थामा विदा दिने निर्णय भएको प्रदेश सरकारले जनाएको छ ।
बिहीबार बसेको मन्त्रिपरिषद् बैठकले विदाको निर्णय गरेको हो ।
यसअघि प्रदेशको क्यालेन्डरमै आदिवासी जनजाति दिवसमा विदा दिने उल्लेख थियो ।
तर, यो वर्ष क्यालेन्टरबाट कटाइएको विदा मन्त्रिपरिषदले निर्णय गरेर दिएको हो ।
संघीय सरकारले तोकेको अतिरिक्त प्रदेश सरकारले थप ६ वटा विदा दिने पाउने व्यवस्था छ ।
संयुक्त राष्ट्रसंघले सन् १९९४ को अगस्त ९ बाट विश्व अदिवासी दिवस मनाउने घोषणा गरेको थियो ।
