विराटनगर । मोरङको विराटनगरमा सोमबार (आज) बाट काँवर यात्रा भएको छ । विगत पाँच वर्षयता प्रत्येक वर्षको साउनको तेस्रो साताको सोमबार हुने काँवर यात्रालाई निरन्तरता दिएको हो ।
यात्रामा कोशी प्रदेशसभा सदस्य भीम पराजुली र गिरी फाउन्डेसनका अध्यक्ष अभिषेक गिरीले जलयात्रा गरेर काँवर यात्राको थालनी गरेका थिए ।
विराटनगर महानगरपालिका-८ मधुमारास्थित श्री भगवती बट्केश्वर महादेव, थानगाच्छीबाट यात्रा सुरु भएको थियो ।
बट्केश्वर महादेव मन्दिरको आयोजनामा भएको यात्रामा ३१ फिटकाे काँवर उठाउँदै स्थानीय भक्तजनहरूले यात्रा थालेका थिए । काँवर लिएर भक्तजनले नगर परिक्रमा गरेको मन्दिर सञ्चालक समितिका अध्यक्ष राघव सहनीले जानकारी दिए ।
