फाइल तस्बिर
विराटनगर । सुनसरीको कोशी गाउँपालिकामा सिटी सफारीको ठक्करबाट एक वृद्धाको मृत्यु भएको हो ।
कोशी गाउँपालिका-२ मा बिहीबार साँझ ७ः३० बजेतिर भएको उक्त दुर्घटनामा ६५ वर्षीया महिलाको मृत्यु भएको हो।
मधुवनबाट लौकहीतर्फ जाँदै गरेको प्रदेश १-०२-००४ ह १४०६ नम्बरको सिटी सफारीले पैदल यात्री स्थानीय मालती देवी साहलाई ठक्कर दिएको थियो।
गम्भीर घाइते भएकी साहलाई तत्काल उपचारका लागि नोबेल अस्पताल विराटनगर लगिएको थियो। तर उपचारकै क्रममा शुक्रबार बिहान २:१५ बजे उनको मृत्यु भएको प्रहरीले जनाएको छ।
दुर्घटनामा संलग्न सिटी सफारी र चालक २० वर्षीय श्रवण यादवलाई इलाका प्रहरी कार्यालय लौकहीले नियन्त्रणमा लिएको छ। यादव कोशी गाउँपालिका-२ का स्थायी बासिन्दा हुन्।
घटनास्थल लौकही प्रहरी चौकीबाट करिब ४ किलोमिटर उत्तरमा पर्दछ। प्रारम्भिक अनुसन्धानले ट्राफिक नियम उल्लंघनलाई दुर्घटनाको कारण मानेको छ।
