विराटनगर । विराटनगर महानगरपालिका–९ मा रहेको भानु कलेज कलेजमा भर्ना भएका नयाँ विद्यार्थीलाई एक दिने अभिमुखीकरण कार्यक्रमको आयोजना गरेको छ ।
कलेजले आज एक कार्यक्रम आयोजना गरी कक्षा ११ मा भर्ना भएका नयाँ विद्यार्थीलाई एक दिने अभिमुखीकरण कार्यक्रमको आयोजना गरेको हो ।
कलेजमा विज्ञान संकाय एक सय ९९ र व्यवस्थापन संकायमा एक सय ७१ जना विद्यार्थी भर्ना भएको कलेजका प्रिन्सिपल मोहनकुमार श्रेष्ठले जानकारी दिए ।
नयाँ भर्ना भएका विद्यार्थी २० औं ब्याजका रहेका प्रिन्सिपल श्रेष्ठले बताए । अभिमुखीकरण कार्यक्रममा को–अर्डिनेटरद्वय बसन्त बस्नेत, रमेश पाण्डे, प्राडा देवेन्द्र अधिकारी, जनता माध्यामिक विद्यालय जहदाका प्रधानध्यापक नविन गौतमलगायतले विद्यार्थीहरुको उज्वल भविष्यको शुभकामना ब्यक्त गरे ।
कार्यक्रमको सभापतित्व विद्यालय व्यवस्थापन समितीका अध्यक्ष मोहन सिटौलाले गरेका थिए ।
