प्रतिकात्मक तस्बिर विराटनगर । मोरङको ग्रामथान गाउँपालिकामा तीव्र गतिको स्कुटर दुर्घटना हुँदा एक महिला घाइते भएकी छन् ।
मंगलबार दिउँसो ३ बजेतिर ग्रामथान- ५ मसानचोकमा प्रदेश १-०२-०४० प ९५७० नम्बरको स्कुटर आफैं अनियन्त्रित भई दुर्घटना भएको थियो ।
घिनाघाट-विराटचोक सडकखण्डमा विराटनगरबाट विराटचोकतर्फ जाँदै गरेको सो स्कुटर दुर्घटना हुँदा चालक बेलबारी नगरपालिका-७ बस्ने अन्दाजी ४० वर्षीया पार्वता श्रेष्ठ घाइते भएकी हुन् ।
बाँया खुट्टा र टाउकोमा चोट लागेपछि उनलाई उपचारको लागि नोबेल अस्पताल, विराटनगर ल्याइएको छ ।
दुर्घटनामा परेको स्कुटर नियन्त्रणमा लिई प्रहरी चौकी तेतरियामा ल्याइराखेको प्रहरीले जनाएको छ ।
