विराटनगर । मोरङको ग्रामथान गाउँपालिका-२ झोराहाट बजारमा मोटरसाइकलले ठक्कर दिँदा बाच्छीको मृत्यु भएको छ भने मोटरसाइकल चालक घाइते भएका छन् ।
आइतबार साझ ७ः३५ बजेतिर घिनाघाट-विराटचोक सडक खण्डअन्तर्गत झोराहट बजारमा प्रदेश १-०४-००५१ प
९१५१ नम्बरको मोटरसाइकलले गाईको बच्चालाई ठक्कर दिएको थियो ।
विराटचोकबाट विराटनगरतर्फ आउँदै गरेको उक्त मोटरसाइकलले पश्चिमबाट पूर्वतर्फ बाटो क्रस गर्दै गरेको बाच्छीलाई ठक्कर दिएको थियो ।
जसमा, बाच्छीको घटनास्थलमै मृत्यु हुँदा ठक्कर दिने मोटरसाइकल चालक ग्रामथान-३ का अन्दाजी २८ वर्षीय कृष्णकुमार माझी घाइते बनेका थिए ।
उनको दाहिने खुट्टा र बाँया हातमा चोट लागेको र अवस्था सामान्य रहेको प्रहरीले जनाएको छ । दुर्घटनामा परेको मोटरसाइकल नियन्त्रणमा लिई प्रहरी चौकी झोराहटमा ल्याएर राखिएको छ ।
माझीको साथमा सवारी चालक अनुमतिपत्र नभएको र तीव्र गतिमा मोटरसाइकल चलाउँदा दुर्घटना भएको प्रहरीले जनाएको छ ।
