विराटनगर । मोरङको कानेपोखरीमा कारको ठक्करबाट साइकलयात्रीको घटनास्थलमै मृत्यु भएको छ ।
पूर्व-पश्चिम राजमार्गअन्तर्गत कानेपोखरी गाउँपालिका-७ मा बिहीबार राति ९ः४० बजेतिर कारले साइकलयात्रीलाई ठक्कर दिएको थियो ।
बेलबारीबाट पथरीतर्फ जाँदै गरेको मे १ च ३३६६ नम्बरको कारले जंगल क्षेत्रमा साइकलयात्रीलाई ठक्कर दिएको हो ।
कारको ठक्करबाट नाम-थर नखुलेको हेर्दा अन्दाजी ५० वर्षका तराईमुलका जस्तो देखिने पुरुषको घटनास्थलै मृत्यु भएको प्रहरीले जनाएको छ ।
उनको शव मदनभण्डारी अस्पताल तथा ट्रमासेन्टर उर्लाबारीमा रहेको प्रहरीको भनाइ छ ।
इलाका प्रहरी कार्याल पथरीले कार र कार चालक झापाको मेचीनगर नगरपालिका-१० बस्ने अन्दाजी
३० वर्षीय विजयकुमार शाहलाई नियन्त्रणमा लिएको छ ।
कार तीव्र गतिमा कुदाएका कारण दुर्घटना भएको प्रहरीको प्रारम्भिक अनुसन्धानले देखाएको छ ।
