विराटनगर । संखुवासभामा विद्यालयबाट भागेर पौडी खेल्न गएका विद्यार्थीलाई खोलाले बगाउँदा मृत्यु भएको छ ।
भोटखोला गाउँपालिका–४ स्याक्सिलागोलामा खोलाले बगाउँदा चार वर्षीय एक विद्यार्थीको मृत्यु भएको हो ।
वाङ खोलाले बगाउँदा भोटखोला-२ च्याम्ताङका चार वर्षीय बुद्धसियन लामाको मृत्यु भएको जिल्ला प्रहरी कार्यालयका सूचना अधिकारी एवम् प्रहरी निरीक्षक रामकुमार लामिछानेले जानकारी दिए।
उनी कृष्ण माध्यमिक विद्यालय स्याक्सिलागोलामा कक्षा १ मा अध्ययनरत थिए । लामा बुधबार दिउँसो साथीहरूसँगै विद्यालय नजिकैको वाङ खोलामा खेल्न गएका थिए ।
उनको शव परीक्षणका लागि जिल्ला अस्पताल ल्याइएको छ । घटनास्थल सदरमुकाम खाँदबारीबाट दुई दिनको पैदल दुरीमा पर्छ ।
