विराटनगर । सुनसरीको हरिनगरा गाउँपालिकाबाट एक करोड रुपैयाँँसहित एक जना पक्राउ परेका छन् ।
सशस्त्र प्रहरीले हरिनगरा-५ का ईसा अन्सारीलाई एक करोड एक लाख रुपैयाँसहित पक्राउ गरेको हो ।
हरिनगरा–५ दुर्गा मन्दिरस्थित सशस्त्र प्रहरी बल, नेपाल बोर्डर आउट पोस्ट वसन्तपुरको चेकप्वाइन्ट टोलीले उनलाई समातेको हो ।
घुस्की नाकाबाट हरिनगरतर्फ जाँदै गरेको बा १६ च ७६१३ नम्बरको कारलाई शङ्का लागि चेकजाँच गर्दा कारभित्र बोरामा लुकाई छिपाइ राखेको सो रकम बरामद भएको थियो ।
बरामद भएको रकममा १ हजार दरको नोट ९ हजार ७ सय थान ९९७ लाख० र ५ सय दरको ८ सय थान (४ लाख) रहेको छ । रकमसँगै कार र चालक ३७ वर्षीय अन्सारीलाई समेत नियन्त्रणमा लिइएको छ ।
अन्सारी यसअघि इटहरीस्थित भाटभटेनीनजिकबाट भारतीय नक्कली नोटसहित पक्राउ परेका थिए ।
नगद रकम, कार र चालकलाई आवश्यक अनुसन्धान तथा कारबाहीका लागि राजश्व अनुसन्धान कार्यालय इटहरीमा बुझाउने प्रक्रिया थालिएको सहप्रवक्ता डीएसपी शैलेन्द्र थापाले जानकारी दिए ।
