फिदिम । पाँचथरको फिदिम र झापाको सीमामा पर्ने हेवा खोलामा गाडी दुर्घटना हुँदा एक जनाको मृत्यु भएको छ ।
शुक्रबार साँझ भएको उक्त दुर्घटनामा एक जना गम्भीर घाइते भएको प्रहरीले जनाएको छ ।
मेची राजमार्गअन्तर्गत फिदिम र झापाको सिमाना हेवा खोलामा दुर्घटना भएको थियो । त्रिशक्ति कन्स्ट्रक्सनकाे गाडी दुर्घटनामा परेकाे हो ।
जसमा नेपालगन्जका ३५ वर्षीय श्याम विकको मृत्यु भएको हो । त्यस्तै, इलामका ३१ वर्षीय लक्ष्मण मुखिया भने गम्भीर घाइते भएका छन् ।
घाइतेलाई थप उपचारका लागि झापा रेफर गरिएको प्रहरीले जनाएको छ ।
