विराटनगर । मोरङको कानेपोखरी गाउँपालिकामा बिहीबार राति भएको दुर्घटनामा एक जना घाइते भएका छन् ।
गए राति अन्दाजी ९:३० बजेतिर कानेपोखरी-रंगेली सडकखण्डअन्तर्गत कानेपोखरी-७ मा आफैं अनियन्त्रित भई को २८ प ७४७६ नम्बरको मोटरसाइकल दुर्घटना भएको थियो ।
रमाइलोबाट कानेपोखरीतर्फ आउँदै गरेको उक्त मोटरसाइकल दुर्घटना हुँदा चालक कानेपोखरी-७ बस्ने अन्दाजी ३५ वर्षीय योगेश पौडेल घाइते भएका हुन् ।
उनको देब्रे खुट्टामा चोट लागेको छ । घाइते उनको मोरङ अस्पताल पथरीमा उपचार भइरहेको छ ।
दुर्घटनामा परेको मोटरसाइकल अस्थायी प्रहरी चौकी, कानेपोखरीको नियन्त्रणमा छ ।
तीव्र गतिमा मोटरसाइकल कुदाउँदा दुर्घटना भएको प्रहरीको प्रारम्भिक अनुसन्धानले औंल्याएको छ ।
