विराटनगर । नेपाल आइडल विजेता रवि ओडले प्रहरीमा आत्मसमर्पण गरेका छन् ।
वैवाहिक बलात्कारसम्बन्धी मुद्दामा ओडले बिहीबार इलाका प्रहरी कार्यालय झलारीमा आफैं उपस्थित भएको जिल्ला प्रहरी कार्यालयका प्रहरी नायब उपरीक्षक उमेश जोशीले जानकारी दिए ।
रविलाई जिल्ला अदालतबाट पाँच दिनको म्याद थप गरेर अनुसन्धान भइरहेको जनाएको छ ।
नेपाल आइडल सिजन २ का विजेता ओडविरूद्ध वैवाहिक बलात्कार र अप्राकृतिक मैथुनको आरोप लगाउँदै उनकी श्रीमतीले उजुरी दिएकी थिइन् ।
चैत २० गते ओडकी श्रीमतीले प्रहरीमा किटानी उजुरी दिएपछि सोही दिन अदालतले पनि पक्राउ पुर्जीको अनुमति दिएको थियो ।
तर, ओड सांगीतिक कार्यक्रममा देश बाहिर रहेका कारण पक्राउ परेका थिएनन् ।
