विराटनगर । गाँजा तस्करी भइरहेको सूचना आएपछि गस्तीमा पुगेका एक प्रहरीको पेस्तोल हराएको छ ।
इलाका प्रहरी कार्यालय अमलेखगञ्जमा १० राउन्ड लोड भएको पेस्तोल हराएको हो ।
सोमबार राति गाँजाको तस्करी भइरहेको सूचना आएपछि गस्तीमा गएको वरिष्ठ प्रहरी नायब निरीक्षक पूज्य बिसीले बोकेको अटोमेटिक पेस्तोल हराएको जिल्ला प्रहरी कार्यालय बाराले जनाएको छ ।
अप्रेसनमा १० किलो गाँजासहित एक जनालाई पक्राउ गरिएको थियो ।
तर, हराएको पेस्तोलको बारेमा खोज तलासको साथै वरिष्ठ प्रहरी नायब निरीक्षक बिसीलाई जिल्लामा बोलाएर अनुसन्धान थालिएको बाराका प्रहरी प्रवक्ता एवम् प्रहरी नायब उपरीक्षक दघिराम न्यौपानेले जानकारी दिए ।
