विराटनगर । चिकित्सा शिक्षा सुधारका अभियन्ता डाक्टर गोविन्द केसी फेरि अनशन बस्ने चेतावनी दिएक छन् ।
सरकारले आफूसँग विगतमा गरेका सम्झौता तीन हप्ताभित्र पूरा नगरे अनशन बस्ने उनले चेतावनी दिएका हुन् ।
माइतीघरमा प्रदर्शनमा उत्रिएका केसीले नागरिक अधिकारको पुनर्स्थापना, सशस्त्र द्वन्द्वकालका पीडितलाई न्याय र पीडकलाई सजाय, कार्की आयोगले दोषी ठहर गरेका व्यक्तिहरूलाई कारबाही गर्नुपर्ने माग राखेका छन् ।
यस्तै सबै नेपालीको निःशुल्क उपचार, यसअघि भएका शिक्षा र स्वास्थ्य सुधारसम्बन्धीका सम्झौताहरू कार्यान्वयन हुनुपर्ने माग उनको छ ।
सर्वोच्च अदालतले दुर्गा प्रसाईँको मेडिकल कलेज सञ्चालनका लागि दिएको आदेशविरुद्ध पुनरावेदन गर्न पनि सरकारसँग माग गरेका छन् ।
