मोरङको उर्लाबारी नगरपालिकामा सोमबार राति भएको सडक दुर्घटनामा परी एक जनाको मृत्यु भएको छ ।
गए राति अन्दाजी १० बजेतिर उर्लाबारी-३ मंगलबारेमा मे.७ प.८४८० नम्बरको मोटसाइकल पैदलयात्रीलाई ठक्कर दिई अनियन्त्रित भएको थियो ।
अनियन्त्रित भएको मे.७ प.८४८० नम्बरको मोटरसाइकल विपरीत दिशाबाट जाँदै गरेको डब्लुबी ७६ बी ०१११ नम्बरको ट्यांकरसँग ठक्कर खाएको थियो ।
जसमा पैदल यात्री उर्लावारी-३ का ४५ वर्षीय रामकिशोर चौधरी घाइते भएका थिए । छाती र टाउकोमा चोट लागेका उनलाई मदन भण्डारी ट्रमा सेन्टर मंगलबारेमा सामान्य उपचारपछि थप उपचारको लागि न्युरो अस्पताल विराटनगर ल्याइएको छ ।
यस्तै, मोटरसाइकलमा सवार जिल्ला मोरङ कानेपोखरी गाउँपालिका-३ बस्ने सोमनाथ जोगीका छोरा १४ वर्षीय दर्पण जोगी मदन भण्डारी ट्रमा सेन्टर मंगलबारेमा उपचार भइरहेको प्रहरीले जनाएको छ ।
सोही मोटरसाइकलमा सवार सोही स्थानका ३३ वर्षीय धनबहादुर जोगीको अस्पताल पुर्याउना साथ डाक्टरले चेकजाँच गर्दा १०:१५ बजेतिर मृत घोषण गरेका थिए ।
प्रहरीले मोटरसाइकल, ट्यांकर र ट्यांकर चालक भारतको पश्चिम बंगाल सिलगुडी बस्ने ३५ वर्षीय कम्लेशकुमार सिंह नियन्त्रणमा लिई थप अनुसन्धान गरिरहेको छ ।
