विराटनगर । विराटनगर महानगरपालिका-४ बरगाछीस्थित हेरिटेज इन्टरनेसनल स्कुलले कक्षा सिनियर केजी उत्तीर्ण गरी कक्षा एकमा पुगेका आफ्ना विद्यार्थीलाई दिक्षान्त गरेको छ ।
बुधबार स्कुलको प्रांगणमा एक कार्यक्रमको आयोजना गरी हेरिटेजले दीक्षान्त समारोह गरेर केजीबाट एक कक्षामा पुगेका विद्यार्थीलाई दीक्षित गरिएको हो ।
कार्यक्रममा बालबालिकाले आफ्नो प्रस्तुति दिँदै दिक्षित भएको प्रमाण–पत्र लिए ।
दीक्षान्त कार्यक्रममा अभिभावक, सञ्चालक समिति र शिक्षक, शिक्षिकाहरूको उपस्थिति थियो ।
कार्यक्रममा अभिभावले हेरिटेज स्कुलले पठनपाठन मात्रै नभई अतिरिक्त क्रियाकलापमा समेत ध्यान दिँदै आफ्ना सन्तानलाई शिक्षा दिएकोमा स्कुल सञ्चालक र शिक्षक-शिक्षिकाप्रति आभार व्यक्त गरे ।
स्कुल समितिका सञ्चालक अरुण राठीले किताबी ज्ञानमात्रै नभएर विद्यार्थीको मनोभावनालाई बुझेर उनीहरूले चाहेको विषय र अतिरिक्त क्रियाकलापमा समेत दक्ष बनाउन विद्यालय लागिपरेको सुनाए ।
चाँडै विद्यालयले सफ्टवेयर कक्षासमेत सञ्चालन गर्ने योजना रहेको राठीको भनाइ थियो ।
यस्तै, बालबालिकालाई कस्तो बनाउने भन्नेमा अभिभावकको समेत महत्त्वपूर्ण भूमिका हुने भन्दै व्यवहारिक ज्ञानमा समेत जोड दिँदै आएको विद्यालयका प्रिन्सिपल सुशान्त बानियाँले बताए ।
प्रगतिशील शिक्षण विधि अपनाएर सिकाई सहजीकरण गरिरहेको बताउँदै उनले गुणस्तरीय शिक्षातर्फ केन्द्रित भई आफूहरूले काम गरिरहेको बताए ।
विद्यालयकी निर्देशक वार्निका राठीले स्कुलले सबै विद्यार्थीलाई समान व्यवहारका साथ गुणस्तरीय शिक्षण सिकाईमा ध्यान दिएको बताइन् ।
दिक्षान्त समारोहमा फरक फरक विधामा उत्कृष्ट भएका विद्यार्थीलाई प्रमाणपत्रसमेत प्रदान गरएको थियो ।
हेरिटेज स्कुलमा हाल तीन सयभन्दा बढी विद्यार्थी अध्यनरत छन् ।
अनुभवी, सिर्जनशील र विषयगत दक्षता भएका शिक्षक-शिक्षिकाले भरिएको उक्त स्कुल अभिभावकको रोजाइमा पर्दै आएको छ ।