विराटनगर । मोरङ प्रशासनबाट हुँदै आएको राष्ट्रिय परिचयपत्र वितरणको काम स्थगित भएको छ ।
कार्ड जारी गर्ने ‘कार्ड रिडर’ बिग्रिएका कारण राष्ट्रिय परिचयपत्र वितरणको काम हालका लागि स्थगित भएको सहायक प्रमुख जिल्ला अधिकारी प्रदीपकुमार साहले जानकारी दिए ।
उनका अनुसार कार्ड रिडर बिग्रिएपछि मर्मतका लागि राष्ट्रिय परिचयपत्र तथा पञ्जीकरण विभाग पठाइएको छ । अब, कार्ड रिडर बनेर आएपछि पुन: वितरणको कार्यलाई निरन्तरता दिइने साहले जानकारी दिए ।
