विराटनगर । मोरङको विराटनगर महानगरपालिका–९ स्थित शिक्षादीप कलेजले कक्षा १२ का १५औं ब्याचका विद्याथीलाई बिदाइ गरेको छ ।
शुक्रबार विराटनगरको सिटी पार्टी प्यालेसमा एक कार्यक्रमको आयोजना गरी शिक्षादीपले कक्षा १२ को विज्ञान संकायमा पढ्ने विद्यार्थीलाई बिदाइ गरेको हो ।
बिदाइ कार्यक्रमको अवसर पारेर कलेजले पाँच जना विद्यार्थीलाई ‘रिफन्ड ब्यालेन्स’ प्रदान गरेको थियो ।
अध्ययनमा गरेको उत्कृष्टताका आधारमा विभाकुमारी नायक, प्रशान्त कार्की, वेदिका साह, आयूषकुमार गुप्तालगायत पाँच जना विद्यार्थीलाई रिफन्ड ब्यालेन्स प्रदान गरिएको कलेजले जनाएको छ ।
पढाइ र अतिरिक्त क्रियाकलापमा उत्कृष्ट भएका उनीहरुले तिरेको कलेज शुल्कबाट ३२, ५०० सम्मको रकम फिर्ता गरिएको बताइएको छ ।
कार्यक्रमको अवसरमा टेकस्पायर कलेजले शिक्षादीपका विद्यार्थीका लागि ५० लाख रुपैयाँको छात्रवृत्ति प्रदान गरेको छ ।
टेकस्पायर कलेजका प्रिन्सिपल तथा बोर्ड हिमालयका सिइओ स्मरण दवाडीले शिक्षादीपका प्रिन्सिपल ज्ञानबहादुर खड्कालाई ५० लाख रुपैयाँको चेक हस्तान्तरण गरे ।
कार्यक्रममा केही विद्यार्थीहरुले शीक्षादीपमा रहँदाको आफ्नो अनुभव र धारणा यसरी प्रस्तुत गरे ।
कक्षा १२ मा अध्ययनरत विद्यार्थीहरुमध्ये गोलाप्रथाबाट छानिएका पाँच जनालाई कोशी प्रदेशसभा सदस्य तथा शिक्षादीपका अध्यक्ष भीम पराजुलीले पुरस्कृत गर्दै उपहार दिएका थिए ।
कार्यक्रममा बोल्दै प्रिन्सिपल ज्ञानबहादुर खड्काले विद्यार्थीहरुलाई उज्ज्वल भविष्यको कामना गरे ।
कक्षा १२ पछि नै जीवनको वास्तविक परीक्षा सुरु हुने भएकाले मेहनतमा कमी आउन नदिन उनले सुझाव दिए ।
कोशी प्रदेशभित्र कक्षा ११ मा सबैभन्दा बढी विद्यार्थी भर्ना हुने कलेजको रुपमा चिनिएको शिक्षादीपले प्रत्येक वर्ष उत्कृष्ट नतिजा ल्याउँदै आएको छ ।
गुणस्तरीय शिक्षा प्रदान गरेको कारणले यस कलेजमा अध्ययन गर्ने विद्यार्थी प्रत्येक वर्ष मेडिकल र इन्जिनियरिङतर्फ छात्रवृत्तिमा नाम निकाल्न सफल छन् ।
