विराटनगर । पाँचथरमा चट्याङ लागेर प्रहरी सहायक हवल्दारको मृत्यु भएको छ ।
मृत्यु हुनेमा मोरङको ग्रामथान गाउँपालिका-४ घर भएका ३५ वर्षीय पाण्डवकुमार माझी रहेका छन् ।
उनी पाँचथरको गोपेटार प्रहरी चौकीमा कार्यरत थिए ।
गएराति कार्यालयमै चट्याङ लागेर गम्भीर घाइते भएका माझीको उपचारका क्रममा पाँचथर अस्पतालमा मृत्यु भएको प्रहरी निरीक्षक सुमित कुसुवाहले जानकारी दिए ।
इलाका प्रहरी कार्यालय मौवामा दरबन्दी रहे पनि मोरङको ग्रामथान–४ का माझी गोपेटारमा कार्यरत थिए ।
