फाइल तस्बिर
विराटनगर । मोरङको विराटनगर महानगरपालिका-१४ स्थित कोशी राजमार्गमा सोमबार भएको सडक दुर्घटनामा ६ जना घाइते भएका छन् ।
हिजो दिउँसो ३ः३५ बजेतिर विराटनगर-१४ बागमती प्लास्टिक फ्याक्ट्रीछेउ पश्चिमबाट पूर्वतर्फ बाटो क्रस गर्दै गरेको को २ त ७४१९ नम्बरको ट्याक्टरलाई देखेर रानीतर्फ आउँदै प्रदेश १-२-००४ ह २१९६ नम्बरको सिटी सफारी रोकिएको थियो ।
रोकिरहेको अवस्थामा सोही दिशाबाट आउँदै गरेको को १ च ३००६ नम्बरको मारुती भ्यान उक्त सिटी सफारीलाई देखेर
अनियन्त्रित भई बाटोमा नै पल्टिएको थियो ।
पल्टिएको भ्यानले सिटी सफारी समेतलाई ठक्कर दिएको थियो, जसमा घाइते बनेका ६ जनालाई अस्पताल पठाइएको प्रहरीले जनाएको छ ।
दुर्घटनामा सामान्य घाइते भएका सिटी सफारी चालक विराटनगर-११ का ३२ वर्षीय अमित साहलाई विराट
नर्सिङ होम पठाइएको प्रहरीले जनाएको छ ।
यस्तै, मारुती भ्यानमा सवार भारतको बिहार बस्ने २५ वर्षीय सुमित कुमार, ५० वर्षीय मोहमद एकरण, ३० वर्षीया फुलन्देवी, ४० वर्षीय सह देवी र ५० वर्षीय सूर्यनारायण शर्माको भने कोशी अस्पताल, विराटनगरमा उपचार भइरहेको प्रहरीले जनाएको छ ।
दुर्घटनापछि फरार बनेका मारुती भ्यान चालकको खोजी भइरहेको प्रहरीले जनाएको छ ।
मारुती भ्यान, सिटी सफारी, ट्याक्टर र ट्याक्टर चालक बूढीगंगा गाउँपालिका-५ का ५१ वर्षीय राजकुमार सरदार सिआरभी जतुवाको नियन्त्रणमा रहेका छन् ।
उनीहरूको सवारी चालक अनुमित पत्र पनि साथमा नरहेको प्रहरीले जनाएको छ ।
मारुती भ्यान चालकको लापरबाहीले दुर्घटना निम्तिएको प्रहरीले जनाएको छ ।
