विराटनगर । मोरङको पथरीशनिश्चरे नगरपालिका-१ मा रहेको चिउरा मिलमा आगलागी हुँदा ठुलो आर्थिक क्षति भएको छ ।
गए राति पथरीशनिश्चरे-१ स्थित बुद्ध चोकमा रहेको कोशी चिउरा मिलमा आगलागी भएको थियो ।
सो आगलागीबाट एक करोड रुपैयाँभन्दा बढीको क्षति भएको बताइएको छ ।
उद्योग र त्यहाँभित्र राखिएका अन्न तथा मिल मेसिनरीका सामानहरू सबै जलेर नष्ट भएका छन् ।
आगलागीबाट मानवीय क्षति भएको छैन ।
आगो निभाउन पथरीशनिश्चरे, उर्लाबारी, कानेपोखरी र बेलबारी नगरपालिकाका दमकल प्रयोग गरिएको थियो ।
वारुणयन्त्र, प्रहरी र स्थानीयको सहयोगमा आगो बिहानीपख नियन्त्रणमा लिइएको मोरङ प्रहरीले जनाएको छ ।
