विराटनगर । मोरङको रंगेली नगरपालिका-३ बाबुसाहेव टोलको सन्थाल वस्ती आगलागी भएको छ ।
शनिबार (आज) दिउँसो अढाई बजेतिर सुरु भएको आगलागीबाट उक्त टोलमा रहेका २२ वटा घर जलेर नष्ट भएको प्रहरीले जनाएको छ ।
आगो अझै पनि नियन्त्रण आइ नसकेको स्थानीयले बताएका छन् ।
टोलमा सन्थाल समुदायका बाक्ला घर थिए । पश्चिमबाट हावा पनि लागिरहेकोले आगो समयमा नियन्त्रण गर्न नसकेको स्थानीय बताउँछन् ।
बाँस, सन्ठी र पराल मिलाएर, टाटीले बेरा लगाएका घर बाक्लो अवस्थामा रहेको कारण आगो छिटो फैलिएको थियो ।
कानेपोखरी गाउँपालिका, रंगेली, बेलबारी, पथरीशनिश्चरे र सुन्दरहरैंचा नगरपालिका र विराटनगर महानगरका बारुणयन्त्र, प्रहरी, सशस्त्र प्रहरी र स्थानीयको सहयोगमा आगो निभाउने प्रयास भइरहेको छ ।
क्षति विवरण भने आइ सकेको छैन ।
