विराटनगर । मोरङको सुन्दरहरैंचा नगरपालिका–७ गोठगाउँमा महाशिवरात्रीको अवसर पारेर शिवरात्री मेला लाग्ने भएको छ ।
फागुन २५ गते शुक्रबार महाशिवरात्रीको अवसरमा गोठगाउँस्थित शिव पाञ्चायन मन्दिरमा मेला लाग्ने भएको हो ।
सो अवसरमा विभिन्न धार्मिक गतिविधिहरूका साथ जगतगुरू बालसन्त मोहनशरण देवाचार्यले भगवान् शिवको प्रतीमा अनावरण गर्ने कार्यक्रम रहेको मन्दिर व्यवस्थापन समितिका अध्यक्ष पोष्टकुमार श्रेष्ठले जानकारी दिए ।
शिव पाञ्चायन मन्दिरमा शिवरात्रीको दिन पूजा आराधना, होम होमादी, प्रसाद ग्रहण, शिव आरती र भजन कीर्तन गरिने महाशिवरात्री पूजा समितिका सचिव मिलन लुईंटेलले जानकारी दिए ।
