विराटनगर । मोरङको विराटनगर महानगरपालिका–४ बरगाछीस्थित हेरिटेज इन्टरनेसनल स्कुलमा बाल क्लब गठन भएको छ ।
आइतबार एक कार्यक्रमको आयोजना गरी विद्यालयमा अध्ययनरत छात्र-छात्रा समावेश गरेर बाल क्लब गठन भएको हो ।
कार्यक्रमका क्रममा विराटनगर महानगरपालिकाका विभिन्न सामुदायिक तथा निजी विद्यालयहरूमा बाल क्लब गठन गर्ने दुई प्रशिक्षकले हेरिटेजका विद्यार्थीहरूलाई बाल अधिकार र बाल कर्तव्यका बारेमा अवगत गराएका थिए ।
बालबालिकालाई विद्यार्थी आचरण, अनुशासन, नैतिकता, गुड टच–ब्याड टच, समसामयिक विषयप्रति ज्ञातको आवश्यकतालगायत विषयमा सिकाइएको थियो ।
प्रशिक्षण कार्यक्रममा बाल क्लबबारे अरू विद्यालयका तुलनामा हेरिटेजका छात्र–छात्राले चासो दिएको प्रशिक्षक सुरज गुरुङले सुनाए ।
बालबालिकाको क्षमतालाई अभिवृद्धि गर्न गठन गरिएको बाल क्लबका सदस्यहरूको अग्ररतामा चाँडै नै नयाँ र पृथक कार्यक्रम गर्ने विद्यालयको तयारी रहेको बताइएको छ ।
अनुभवी शिक्षक–शिक्षिकाद्वारा अध्यापन हुने हेरिटेजले विद्यार्थीहरूलाई व्यवहारिक र प्रयोगात्मक विधिबाट शिक्षण सिकाइलाई अगाडि बढाएर काम गरिरहेको छ ।
