विराटनगर । मोरङको सुन्दरहरैंचामा बसको ठक्करबाट पैदलयात्री महिलाको मृत्यु भएको छ ।
पूर्व–पश्चिम लोकमार्गअन्तर्गत नगरपालिका–७ ठडियामा शनिबार भएको दुर्घटनामा ५२ वर्षीया मीराकुमारी श्रेष्ठ रहेकी छन् ।
पश्चिमबाट पूर्वतर्फ जाँदै गरेको प्रदेश १–०१–००१ ख ४०३४ नम्बरको बसले ठक्कर दिँदा श्रेष्ठको मृत्यु भएको प्रहरीले जनाएको छ ।
प्रहरीका अनुसार झापाको गौरीगन्ज माइती भएकी श्रेष्ठको भारतमा बिहे भएको खुलेको छ । भारतको लुवाघाटमा बस्दै आएकी थिइन्।
मोरङको सुन्दरहरैँचास्थित आफन्तको घरमा आएका बेला दुर्घटनामा परेर श्रेष्ठको मृत्यु भएको प्रहरीले जनाएको छ ।
पैदल हिँडिरहेका बेला उनलाई दिउँसो १२:५० बजेतिर बसले ठक्कर दिएर गम्भीर घाइते बनाएको थियो ।
उपचारका लागि मोरङको बूढीगंगास्थित विराट शिक्षण अस्पताल पुर्याउनसाथ चिकित्कसले मृत घोषित गरेका हुन् ।
प्रहरीले बस र चालक झापाको बिर्तामोड नगरपालिका–४ का ४० वर्षीय प्रेम भट्टराईलाई नियन्त्रणमा लिएर घटनाको अनुसन्धान सुरु गरिएको छ ।
