विराटनगर । दोस्रो संस्करणको विराटनगर हब अन्तर विद्यालय महिला क्रिकेट प्रतियोगिता बिहीबारदेखि सुरु भएको छ ।
नेपाल क्रिकेट फाउन्डेसन र क्रिकेट विथआउट बाउन्ड्रीको सहयोगमा आजदेखि विराटनगर-६ स्थित ज्वाला क्रिकेट मैदानमा प्रतियोगिताको थालनी भएको हो ।
प्रतियोगिताको पहिलो दिन ६ वटा खेल भएका थिए ।
आजको पहिलो खेलमा महेन्द्र स्कुलले आर्दश स्कुललाई चार रनले पराजित गरेको गर्यो भने दोस्रो खेलमा सरस्वतीले मिल्स माविलाई ५२ रनले पराजित गर्यो ।
तेस्रो खेलमा आर्दश बालिका स्कुलले सत्यनारायण स्कुललाई आठ विकेटले हराउँदा चौथो खेलमा सरस्वती स्कुलले आर्दश स्कललाई ९ विकेटले हरायो ।
पाँचौं खेलमा आर्दश बालिका स्कुलले मिल्स स्कुललाई आठ विकेटले पराजित गर्दा छैटौं खेलमा सत्यनारायण स्कुलले महेन्द्र स्कुलमाथि १५ रनको जित निकाल्यो ।
२० गतेसम्म उक्त प्रतियोगितामा प्रतियोगिता विराटनगरका ६ वटा सामुदायिक विद्यालयहरूको सहभागिता छ ।
प्रतियोगितामा उत्कृष्ट हुने खेलाडीहरूलाई छात्रवृत्ति प्रदान गरिने बताइएको छ भने उत्कृष्ट बलर, प्लेयर अफ द सिरिज, उत्कृष्ट विकेट किपर, उदयमान खेलाडी र उत्कृष्ट ब्याटरले पनि छात्रवृत्ति प्राप्त गर्ने छन् ।
यस प्रतियोगिताबाट १४ जना खेलाडीहरू छनोट गरेर राजविराजमा चैतमा हुने टि–२० क्रिकेट प्रतियोगितामा खेलाइने बताइएको छ ।
