फाइल तस्बिर विराटनगर । मोरङको लेटाङ नगरपालिकामा तीन जना सवार मोटरसाइकललाई ठक्कर दिएर अटो फरार बनेको छ ।
मंगलबार (हिजो) राति ८ः५५ बजेतिर लेटाङ-३ मिलन चोकस्थित भित्री पक्की सडक खण्डमा अटोले मोटरसाइकललाई ठक्कर दिएको थियो ।
गुवाबारीबाट लेटाङ बजारतर्फ आउँदै गरेको को १७ प ३१४७ नम्बरको मोटरसाइकललाई विपरीत दिशाबाट जाँदै गरेको तत्काल नम्बर नखुलेको अटोले ठक्कर दिएको प्रहरीले जनाएको छ ।
सो दुर्घटनामा मोटरसाइकल चालक मिक्लाजुङ गाउँपालिका-६ का २३ वर्षीय सुरज मगर, पछाडि सवार मिक्लाजुङ-१ का २५ वर्षीय सुरज लिम्बु र पछाडि नै सवार पाँचथर तुम्मेवा गाउँपालिका-२ का २२ वर्षीय उक्तम चोङमाङ घाइते भएका हुन् ।
उनीहरूको लेटाङस्थित शुभकामना मेडिकलमा उपचार भइरहेको इलाका प्रहरी कार्यालय लेटाङले जनाएको छ ।
दुर्घटनामा परेको मोटरसाइकल नियन्त्रणमा लिएको प्रहरीले ठक्कर दिने अटोको खोजतलास थालेको छ ।
मोटरसाइकल चालकको लापरबाहीका कारण दुर्घटना भएको प्रहरीको प्रारम्भिक अनुसन्धानमा खुलेको छ ।
