विराटनगर। सिरहाको लहानमा नगरपालिकामा ‘भ्यालेन्टाइन डे’ मनाउन कोठामा बोलाएर बलात्कार गरेको आरोपमा एक किशोर पक्राउ परेका छन् ।
पक्राउ पर्नेमा लहान-२ स्थित डेरामा बस्दै आएका १८ वर्षीय निकेश यादव रहेका छन् ।
१५ वर्षीया नाबालिगलाई बलात्कार गरेको आरोपमा बिहीबार उनलाई पक्राउ गरिएको सिरहा प्रहरीले जनाएको छ ।
सिरहाका प्रहरी प्रवक्ता डिएसपी रविन्द्रराज पाण्डेका अनुसार बुधबार दिउँसो करिब २ बजे अरुणले कोठामै बालिकालाई बलात्कार गरेका थिए ।
बलात्कृत बालिका अत्यधिक रक्तश्राव भएर बेहोस भएकी थिइन् ।
उनलाई आफन्तले बुधबार साँझ उपचारका लागि प्रादेशिक अस्पताल लहान पुर्याएको थियो । तर त्यहाँ उपचार सम्भव नभएपछि विराटनगरस्थित नोबेल अस्पताल ल्याइएको छ ।
लहानमा अध्ययनरत ती बालिका कोठा भाडामा लिएर बस्दै आएकी थिइन् । अरुणले ‘भ्यालेन्टाइन डे’ मनाउन आफ्नो कोठामा बोलाएर बलात्कार गरेको प्रहरीले जनाएको छ ।
