विराटनगर । विराटनगर महानगरपालिका– १४ मा रहेको स्नातकोत्तर (डिग्री) क्याम्पसमा वृक्षारोपण गरिएको छ ।
मंगलबार जनयुद्ध दिवसको अवसर पारेर डिग्री क्याम्पस अनेरास्ववियू ( क्रान्तिकारी) एकाई कमिटीले वृक्षारोपण गरेको हो ।
जनयुद्ध दिवस तथा सरस्वती पूजाको पूर्वसन्ध्या पारेर वृक्षारोपणलगायत विविध कार्यक्रम गरिएको अनेरास्ववियू ( क्रान्तिकारी)का केन्द्रीय सदस्य अभिमन्यु यादवले जानकारी दिए ।
उनका अनुसार राष्ट्रिय झण्डा फहराउने, सरसफाइ तथा वृक्षारोपण कार्यक्रम आयोजना गरिएको थियो ।
कार्यक्रममा नेकपा (माओवादी केन्द्र) का कोशी प्रदेश सदस्यहरू देवा यादव, हरि घिमिरे र उपेन्द्र राय, विराटनगर महानगर समितिका कोषाध्यक्ष शेख आजम, योङ कम्युनिस्ट लिगका केन्द्रीय सदस्य सनोज यादवलगायतको उपस्थिति थियो ।
