विराटनगर । विराटनगर महानगरपालिका-५ मा अवस्थित किड्स भिलेज स्कुलले आफ्नो १० औं वार्षिकोत्सव मनाएको छ ।
शनिबार विराटनगर-८ आरोहण गुरुकुलमा भव्य कार्यक्रमको आयोजना गरी किड्स भिलेजले १० औं वार्षिकोत्सव तथा अभिभावक दिवस मनाएको हो ।
कार्यक्रममा विद्यार्थीहरू र उनीहरूका अभिभावकसहित कोशी प्रदेशसभा सदस्य भीम पराजुली, उद्योग संगठन मोरङका अध्यक्ष राकेश सुरानालगायतको उपस्थिति रहेको थियो ।
कार्यक्रममा बोल्दै प्रदेश सांसद तथा विराटनगरका पूर्वमेयर पराजुलीले आफू निरन्तर शैक्षिक सुधार अभियानमा लागिरहेको जनाए । कार्यक्रममा किड्स भिलेजका विद्यार्थीहरूले सांगीतिक प्रस्तुति प्रस्तुत गरेका थिए ।
