ओखलढुंगा । ओखलढुंगाको चिसंखुगढी गाउँपालिकामा स्काभेटरको ठक्करबाट वृद्धको मृत्यु भएको छ ।
मृत्यु हुनेमा चिसंखुगढी गाउँपालिका-६ भदौरेका ६६ वर्षीय एकबहादुर थापामगर रहेको ओखलढुंगा प्रहरीले जनाएको छ ।
शुक्रबार अपराह्न साढे ४ बजेतिर स्काभेटरले खनेको हेर्न बसेका थापामगरको स्काभेटरले ठक्कर दिँदा मृत्यु भएको हो ।
मुगाछापस्थितमा सिद्धिचरणचरण नगरपालिका-२ चुहानछाप हुँदै चिसंखुगढी गाउँपालिका-६ भदौरे जाने भित्री
कच्ची सडक निर्माण गर्ने क्रममा प्र. ०३-०१-००३ क ७३५६ नम्बरको स्काभेटरले उनलाई ठक्कर दिएको थियो ।
स्काभेटरको पछाडिको भागले ठक्कर दिँदा घाइते भएका थापामगरलाई तत्काल उपचारको लागि अस्पतालतर्फ ल्याउँदै गर्दा बाटोमै मृत्यु भएको हो ।
स्काभटेरका चालक सिद्धिचरण नगरपालिका-२ चुहानछापका ३५ वर्षीय उज्वल खड्कालाई प्रहरी चौकी निशंखेले नियन्त्रणमा लिएको छ ।
चालकको लापरबाहीका कारण दुर्घटना भएको प्रहरीको प्रारम्भिक निष्कर्ष छ ।
