विराटनगर । काेसी प्रदेशका मुख्यमन्त्री केदार कार्कीले इन्जिनियरिङकाे इतिहासमात्रै पढ्ने इन्जिनियरले समाज बदल्न नसक्ने बताएका छन् ।
शनिबार नेपाल इन्जिनियर एसोसिएसन काेसी प्रदेशकाे कार्यालय भवन उद्घाटनपछि मुख्यमन्त्री कार्कीले यस्तो बताएका हुन् ।
प्रदेशका इन्जिनियरहरूले प्रयाेगात्मक अभ्यास गरेर नयाँ इन्जिनियरिङ सिद्धान्त संसारलाई दिनु आवश्यक रहेकाे उनको भनाइ छ ।
नेपालकाे शिक्षा कमजाेर छैन त्यसैले गुगल, फेसबुक, नासालगायतका संसारभरका कम्पनिमा नेपाली प्राविधिकहरूले याेगदान गरिरहेकाे मुख्यमन्त्री कार्कीले बताएका छन् ।
´काेशीका प्राविधिक जनशक्ति संसारभर उच्च मूल्यमा बिक्री गर्न अब प्रयाेगात्मक अभ्यासमा केन्द्रित भएर अध्ययन गर्नु आवश्यक छ । प्रदेशमा भइरहेकाे विकास निर्माण कामकाे गुणस्तरीय परीक्षण गरेर इन्जिनियरहरूले प्रयाेगात्मक अध्ययन सुरू गराैं,` उनले भने ।
प्रदेश सरकारबाट पैसा माग्न आएका विद्यार्थीलाई भाैतिक निर्माण कार्यकाे गुणस्तरी परीक्षण गरेर रिपाेर्ट दिई प्रयोगात्मक अभ्यास गर्न आग्रह गरेकाे मुख्यमन्त्री कार्कीकाे भनाइ थियाे ।
