विराटनगर । नेपाल-भारतको सीमा क्षेत्र रानी नाकामा ३०२औं पृथ्वी जयन्ती तथा राष्ट्रिय एकता दिवस मनाइएको छ ।
पृथ्वी नारायण शाहको तस्बिरमा माल्यार्पण गरेर स्थानीय युवाहरूको समूहले उनीप्रति श्रद्धासुमन अर्पण गर्दै पृथ्वी जयन्ती मनाएका हुन् ।
रानी भन्सार नाकामा राष्ट्रिय गीतसहित दीप प्रज्वलन गरी उनीहरूले आधुनिक नेपालको एकीकरण अभियानका नेतृत्वकर्ता शाहले राष्ट्रको एकीकरण अभियानमा पुर्याएको योगदानको स्मरण गरे ।
उनीहरूले राष्ट्रिय एकता जिन्दावाद, पृथ्वीनारायण शाह अमर रहुन्, हिमाल पहाड तराई, कोही छैन पराई जस्ता नारासमेत लगाएका थिए ।
कार्यक्रममा बोल्दै स्थानीय अगुवा युवा हमिद आजादले पृथ्वीनारायण छरिएर रहेका बाइसे, चौबिसे राज्यलाई एकीकृत गरेको स्मरण गराए ।
शाहको योगदान नेपालीले बिर्सिएमा आगामी सन्ततिले हामीलाई धिक्कार्ने बताए ।
