विराटनगर । मोरङको विराटनगर महानगरपालिका-१० मा अवस्थित श्री नारायण आधारभूत विद्यालय सञ्चालक समितिको अध्यक्षमा अभिषेक गिरि सर्वसम्मत चयन भएका छन् ।
पछिल्लो समय समाजसेवामा सक्रिय रहेका गिरि बिहीबार विद्यालय सञ्चालक समितिको अध्यक्षमा सर्वसम्मत रूपमा चयन भएका हुन् ।
उक्त विद्यालय केही वर्षयता सञ्चालक समितिविहीन बनेको थियो ।
सञ्चालक समिति नहुँदा उत्पन्न कठिनाइ हटाएर गिरि नेतृत्वको समितिले शैक्षिक गुणस्तर सुधारमा निकै सघाउ पुर्याउने गरिएको अपेक्षा गरिएको विद्यालयका प्रधानाध्यापक राम भट्टराई बताउँछन् ।
गिरिले पनि विद्यालयको शैक्षिक गुणस्तर सुधारमा कुनै कसर नछोड्ने प्रतिबद्धता जनाएका छन् ।
प्रतिष्ठित् सामाजिक व्यक्तित्व स्वर्गीय नारायणप्रसाद कोइरालाले २०२० सालमा उक्त विद्यालय स्थापना गरेका थिए ।
सो विद्यालयलाई चार कठ्ठा जग्गा दान गरेका समाजसेवी कोइरालाको नामबाट उक्त विद्यालयको नाम नारायण रहन गएको हो ।
विराटनगर महानगरपालिका-१० का वडाध्यक्ष अर्जुन गिरि यस आविका विद्यालय व्यवस्थापन समिति अध्यक्ष हुन् ।
