चतरा । सुनसरीको बराहक्षेत्र नगरपालिका-५ मा जंगली हात्तीको आक्रमणबाट एक जना वृद्धको मृत्यु भएको छ ।
मृत्यु हुनेमा बराहक्षेत्र-५ घर भएका ६९ वर्षीय भीमबहादुर विष्ट रहेको सुनसरी प्रहरीका प्रवक्ता प्रहरी नायब उपरीक्षक नवीनकृष्ण भण्डारीले जानकारी दिए ।
बिहीबार बिहान आफ्नो घरनजिक रहेको जनजागृति सामुदायिक वन क्षेत्रमा घाँस काट्न गएका अवस्थामा विष्टको हात्तीले कुल्चिएर मृत्यु भएको हो ।
प्रहरीका अनुसार घटनास्थलनजिकै समूहमा रहेका जंगली हात्तीसमेत देखिएको थियो ।
पछिल्लो दुई महिनाको अवधिमा पूर्वी नेपालको सिमानाबाट नेपाल प्रवेश गरेका हात्तीको बथानले झापा, मोरङ र सुनसरी जिल्लामा मात्र आठ जनाको ज्यान लिएको छ ।
